Enpresa finantzaketarako baliabideak

Sara Urionabarrenetxea Zabalandikoetxea  (Koord.), Ana Beraza Garmendia eta José Domingo García Merino Euskal Herriko Unibertsitateko Ekonomia eta Enpresa Zientzien Fakultatearen irakasleak dira (Finantza Ekonomia II saila).

E-mail: sara.urionabarrenetxea@ehu.es, ana.beraza@ehu.es, josedomingo.garcia@ehu.es

Lan honek enpresa finantzaketarako baliabideen ezaugarriak analizatzea du helburu. Bertan enpresa baten finantza-zuzendariak, enpresaren beharretara hoberen egokitzen den finantza-egitura ezartzeko helburuarekin, besteren finantzaketa-baliabideen erabileraren inguruko erabakiak hartzeko prozesuari modu egokian aurre egiteko jarraibideak azaltzen dira.

Oro har enpresa batek eskuragarri dituen finantzaketa-baliabideak ezagutu nahi dituen edozeinentzat erabilgarria da lan hau. Hain zuzen ere, enpresa-finantzaketa barneratzen duten Ekonomia Lizentziaturako zein Enpresa Zuzendaritza eta Administrazio Lizentziaturako edozein irakasgaitan ikasmaterialtzat erabil daiteke.

Liburu honek hiru atal ditu:

• Lehenengo atala kapitulu bakarraz osatuta dago. Bertan eskuragarri dauden finantzaketa-baliabideak ezagutzeko beharra ohartarazten da eta halaber, baliabide horiek aukeratzeko funtsezkoak diren irizpideak: kostua, epemuga, jabea eta jatorria.
• Bigarren atalak bost kapitulu barneratzen ditu. Atal horretan bost epe laburrerako finantzaketa-baliabideren ezaugarriak eta haren kostuak kalkulatzeko prozedurak analizatzen dira.
• Hirugarren atala bi kapituluz osatuta dago eta epe luzerako besteren finantzaketa-iturri nagusietariko bi baliabide aztertzen dira.