Estatistika sarrera

Marta Barandiaran Galdos, Ma Isabel Orueta Coria eta Begoña Otazua Torrecilla Bilboko Enpresa Ikasketen Eskolan Ekonomia Aplikatua V Saileko irakasleak dira.

Estatistika-arloan euskaraz argitaratutako testuak gutxi direnez gero, material honek, alde batetik Eskolan ematen den irakasgaira material idatzia egokitzea du helburu eta bide batez Estatistikako beste ikasle batzuen eskuera jartzea. Bestalde, gure aldetik, hizkuntza- normalkuntzari gure ekarpena ekartzea helburutzat ere hartuko dugu kontuan.

Bereziki, Eskolan euskaraz lehenengo ikasturtea ikasten duten ikasleentzat. Era berean, lantzen diren kontzeptuak oinarrizko direnez gero, Enpresa arloan ez ezik edozein arlotan ere material hau baliogarria izan daiteke, Estatistikan lehenengo kontzeptuak ikasi behar dituztenentzat.

Material honek, 5 ataletan antolatuta, Estatistikaren oinarrizko kontzeptuak jorratzen ditu. I. atalean, aldagai bakarreko analisi estatistiko deskribatzailea, hiru gaietan antolatuta; II. atalean, bi aldagairen analisi estatistiko deskribatzailea, lau gaietan; III. atalean, aldagai anitzeko analisi estatistiko deskribatzailea, gai bat baino ez; IV. atalean, zenbaki indizeak gai bat ere bai eta V. atalean, probabilitate espazioak, bi gaietan antolatuta. Gai guztietan, teoria azaltzen da eta bakoitzari dagozkion ariketak ere bai.