Finantza erakundeen kudeaketa

Ana Beraza Garmendia (koordinatzailea), Juan Antonio Azkunaga Elgezabal, Ana Blanco Mendialdua eta Ainhize Gilsanz López Euskal Herriko Unibertsitateko Ekonomia eta Enpresa Zientzien Fakultatearen irakasleak dira (Finantza-ekonomia II saila).

E-mail: ana.beraza@ehu.es, juanantonio.azkunaga@ehu.es, ana.blancom@ehu.es, ainhize.gilsanz@ehu.es

Lan horrek ikasleek banku-eragiketak ezagutzea du helburu, baina ez finantza-erakunde baten bezero moduan, baizik eta entitatearen kudeaketaren aldetik, egungo finantza-merkatuen errealitatea kontuan izanda. Lan hori irakurri ondoren irakurleak azken bolada honetan suertatu diren gertaera ekonomikoak hobeto ulertuko ditu: subprime hipotekak, gobernuak esku hartu dituen erakundeak, kreditu-arriskuaren kudeaketak dituen arazoak, finantza-erakundeen likidezia eta kaudimen arazoak, etab. Irakurleak banku-erakundeen emaitzen kudeaketa egoki baten garrantzia ulertuko du.

Oro har finantza-erakunde baten kudeaketa ikuspegi praktiko batetik ezagutu nahi duen edozeinentzat erabilgarria da lan hau. Hain zuzen ere, graduko eta postgraduko finantza-arloko irakasleei, sektore honetako profesionalei eta, baita banku-eragiketak hobetu ulertu nahi dituzten inbertsiogile partikularrei ere zuzentzen da.

Liburu honek bost atal ditu:

Lehenengo atala kapitulu bakarraz osatuta dago. Kapitulu horretan Espainiako kreditu-erakundeen egungo ingurua aurkezten da eta kreditu- eta gordailu- erakundeek bertan dituzten posizioak zehazten da.

Bigarren atalak hiru kapitulu barneratzen ditu. Atal horretan funtsak lortzeko eta inbertitzeko kreditu-erakundeek burutzen dituzten eragiketak eta beste eragiketa mota batzuk analizatzen dira.

Hirugarren atala bi kapituluz osatuta dago. Bertan, finantza-analisiarekin bukatzeko, arrisku-errentagarritasuna binomioa aztertzen da.

Laugarren atalak kapitulu bakarra du. Kapitulu horretan kreditu-erakundeen merkataritza-funtzioa azaltzen da.

Azkenik, bosgarren atalean zuzendaritza estrategikoaren hainbat alderdi analizatzen dira kreditu-erakundeen ikuspegi orokor bat ahal izateko.