Kanpo-merkataritza eta nazioarteko elkarkidetza ekonomikoa

Asier García Lupiola, Bilboko Enpresa Ikasketen Unibertsitate Eskolako Irakasle Agregatua, Enpresaren Kudeaketaren eta Berrikuntzaren Baliospena Saila. Helbide elektronikoa: asier.garcialupiola@ehu.es. Telefonoa: 946017607

Ikasmateriala oinarri orokor gisa erabil daiteke enpresa- eta ekonomia-arloko ikasketetan, enpresaren nazioartekotze-prozesua eta nazioarteko salgaien eta zerbitzuen eraman-ekarria aztertzeko. Helburu zehatzak hauek dira:

• Ikasleak enpresaren munduan aplika daitezkeen kanpo-merkataritzako oinarrizko tresnak ongi ezagutzea.
• Etorkizunean, bere garapen profesionalerako enpresaren nazioartekotze-prozesuan aurrera eraman behar izango dituen funtzioen oinarriak ongi ezagutzea, bereziki kanpo-merkatuetara jotzeko baliabideak eta nazioarteko kontratazioaren ezaugarriak.
• Europako merkatuaren funtzionamendua ezagutzea, gaur egun "nazioarteko merkatu" tradizionala ez bezalakoa baita.
• Bateratze ekonomikorako eskualde-erakundeek kanpo-merkatuak izateko eskaintzen dituzten aukerak identifikatzea.

Enpresa eta ekonomi arloko unibertsitateko ikasleentzat bereziki. Zuzenbideko ikasleentzat tresna baliagarria da ere. Azkenik, interesgarria izan daiteke gai honetara urbildu nahi den edonorentzat.

Ikasmaterialaren hamaika gaiak hiru arlo nagusitan antolatzen dira:

• Lehenengoa (I-III gaiak) enpresaren nazioartekotze-prozesuaren ikuspegi orokorra da. Kanpo-merkatuetara jotzearen garrantzia eta kanpo-merkatuen aukeraketa aztertzen ditu.
• Bigarrena (IV-VII gaiak) nazioarteko kontratazioaren eta operazioen arloa da. Nazioarteko salerosketa- eta banatze-kontratuak, nazioarteko operazioen ordainketa- eta finantza-tresnak, eta garraio-sistemak aztertzen ditu.
• Hirugarrena (VIII-XI) nazioarteko merkataritzako araubidea eta erakunde-antolaketa da. Nazioarteko erakunde ekonomikoak aztertzen ditu.