Haur eta Lehen Hezkuntzan informazioa biltzeko tresnak

• Iratxe Antonio-Agirre (Hezkuntza eta Kirol Fakultatea).
• Lorea Azpiazu (Hezkuntza, Filosofia eta Antropologia Fakultatea).
• Eider Goñi  (Hezkuntza eta Kirol Fakultatea).

Berebiziko garrantzia du irakasle-zereginari dagozkion rol ebaluatzaileetan eta sortzaileetan Haur eta Lehen Hezkuntzako Graduetako ikasleak trebatzea. Horretarako, ezinbestekoa da informazioa biltzeko tresnak ezagutzea eta horiek erabiltzen jakitea, hezkuntza-testuingurua ezagutzeko aukera ematen dutelako, baita hezkuntza-egoerei erantzuteko diseinatutako proposamen didaktikoen abiapuntua eta jomuga balioesteko ere. Gauzak horrela, ikasleen etorkizuneko hezkuntza-jardunera bideratuta egonik, ikasmaterial honek ikuspegi praktikoa eta funtzionala du.

Horregatik guztiagatik, ikasmaterial honen helburu nagusia da Haur eta Lehen Hezkuntzako Graduetako ikasleei informazioa biltzeko tresna nagusiak ezagutaraztea eta horien erabileran trebatzea.

Haur eta Lehen Hezkuntzako Graduetako ikasleei zuzendutako ikasmateriala da. Bereziki Hezkuntzaren Psikologia eta Haurtzaroaren Psikologia irakasgaietan, eta Gradu Amaierako Lanean jarduten dutenek izango dute erabilgarri.

Sei atal nagusitan banatu dugu ikasmateriala:

1. Sarrera.
2. Behaketa-tresnak.
3. Elkarrizketa.
4. Soziograma.
5. Talde-teknikak: eztabaida-taldea eta talde fokalak.
6. Inkesta eta galdetegia.