Ikaskuntza eta garapen motorra

Beñat Amenabar Perurena. Musika, Plastika eta gorputz Adierazpenaren Didaktika Saileko Irakaslea.

Hemen aurkezten den testu honek helburu bikoitza betetzen du. Alde batetik ikaskuntza eta garapen motorraren esparruan euskaraz ikasmaterial bat izan ahal izatea, gaur egun arlo eta irakasgai askoren inguruan gertatzen den moduan, arlo honetan dagoen material gehiena ingelesez dago eta apur bat gazteleraz ere aurki daiteke baina zoritxarrez euskaraz dagoena oso eskasa da. Bestalde ikasgai honen inguruan urteetan egindako lana modurik egokienean argitaratzea edonork erabili dezan.

Urteetan Irakasle-eskolako ikasleekin landutako ikasgaia da beraz bertako edozein ikaslek erabil ahal izango du. Hala eta guztiz ere pentsatzen dut beraientzat baliagarria izateaz gain Jarduera Fisikoa eta Kirolaren Zientzien Fakultateko ikasleei ere baliagarria izango zaiela. Eta noski ikaskuntza eta garapen motorrean interesa izen dezakeen edonork baliozko informazio topa dezakeela material honetan.

Argitalpen honek bi atal nabarmen ditu, lehenengo zatian garapenari ematen zaio garrantzia eta bigarrenean ikaskuntza motorraren atalean zentratzen da. Bi kasuetan irudiak eta mapa kontzeptualak erabiltzen saiatu gara ulergarriagoa izan dadin. Gaika antolatuta dago informazio guztia azkenik 8 gai izango ditugularik. Gai bakoitzari dagokion bibliografia ere banatuta dago.