Konstruktibismoa, hizkuntza idatzia eta eskola: idatzitakoak eta gaitz-ulertuak

Irune Ibarra Hizkuntza idatzian aditua da, disziplinarteko ikuspuntuetatik landu baitu arlo hau (Garapenaren eta Hezkuntzaren Psikologia, Ergonomia, Psikolinguistika, Didaktika, Metodoak...). EHUko Hezkuntza Fakultatean irakaslea da. Helbide elektronikoa: irune.ibarra@ehu.es Telefonoa: 943 017093

Hizkuntzaren Pedagogiako ikasleentzat, Haur Hezkuntzako eta Lehen Hezkuntzako ikasle eta irakasleentzat, Hizkuntza idatziaren inguruan eskuhartzeak egingo dituztenentzat, Hizkuntzalarientzat, Psikolinguistentzat...

Hizkuntza idatziari eta eskolari buruz konstruktibistek idatzitako zenbait testu bilduta dituzue jarraian: Emilia Ferreiro-ren eta Ana Teberosky-ren hasierako ikerketetatik gaur egunera arte konstruktibismoaren eta hizkuntza idatziaren inguruan dihardutenen ahotsak dira. Ahots horien bidez konstruktibistek idazkerari eta horren inguruko auziei buruz zer dioten ulertuz joango gara. Niri argigarri suertatu zaizkit, eta zuentzat ere hala izatea espero dut. Liburu honek bi zati ditu: 10 orri inguruko sarrera bat(bibliografia atzean dago), eta, ondoren, pasarte edo aipuak, euskarara itzuliak. 1979tik gaur egunera bildutako pasarteak dira eta urteez gain liburuen barruan dauden zatiak direla gogoratu behar dugu, hots, testuinguru bat daukatela. Bibliografian dituzue aipatuta "jatorrizko testu" guztiak, liburuaren osotasunean hobeto uler ditzazuen eta gehiago jakin dezazuen. Testua arintzeko, irudiak, argazkiak jarri ditut.