Ingeniaritzako proiektuak. Ariketak

Ingeniaritzako proiektuei buruzko zenbait ariketa bildu dira ikasmaterial honetan. Proiektuen oinarri teorikoak eta metodologikoak hainbat liburutan azaltzen direnez, ikuspegi praktiko bat proposatu da hemen.

Mota askotako ariketak bildu dira, helburu espezifiko hauek betetzeko asmoz: oinarri teorikoak ezagutzea eta ulertzea, informazioa bilatzea, iragaztea eta analizatzea, kasuak ebaztea, erabakiak hartzea, hautaketak egitea, arrazoitzea, eta abar.

Ingeniaritzako ikasketetako proiektuen alorreko irakasgaien ikasle eta irakasleentzat da ariketa-bilduma hau. Nahiz eta energiako, meatzeetako eta obra zibileko ariketak erabili diren, proiektu teknikoetan interesik duen edonorentzat erabilgarria izan daiteke.

Ariketak bost multzotan bildu dira. Lehenik eta behin, ingeniariek egiten dituzten lan teknikoak jorratu dira (besteak beste, proiektu teknikoa). Proiektuetan behin sarturik, horiek garatzeko metodologiari buruz eta garapen horren emaitzari buruzko bi ariketa-multzo daude. Bildumako azken bi multzoetan proiektuak gauzatzea eta kudeatzea landu dira.

Seigarren multzoan, energiaren, meatzeen eta obra zibilaren alorretan gara litezken proiektu-ideia batzuk proposatu dira. Azkenik, proiektuen terminologia biltzen duen euskara-gaztelania hiztegi labur bat dago.