Erreaktore kimikoak I. Erreaktore kimiko homogeneoen diseinua

Jose Luis Ayastuy Arizti, Zientzia eta Teknologia Fakultatean Ingeniaritza Kimikoa Saileko irakaslea da. Helbide elektronikoa: joseluis.ayastuy@ehu.es Telefonoa: 946012619

Unai Iriarte Velasco, Farmazia Fakultatean Ingeniaritza Kimikoa Saileko irakaslea da. Helbide elektronikoa: unai.iriarte@ehu.es Telefonoa: 945013030

Bi egileak EHU-ko Teknologia Kimikoak Ingurugiro Sostengarrirako ikerkuntza taldeko kideak dira.

Ikasmaterial honen helburu nagusia da industri mailan erabiltzen diren erreaktore kimikoei buruzko oinarrizko ezagutzak hartzen laguntzea, erreaktore kimiko homogeneoen diseinurako, analisirako, ustiapenerako eta hobekuntzarako beharrezkoak.

Ikasmaterial hau Kimika Ingeniaritzako gradua titulazioko Prozesu Kimikoen Zinetika eta Erreaktore Kimikoen Diseinua irakasgaietan erabiliko da, eta Kimikako gradua titulazioko Ingeniaritza Kimikoa irakasgaian ere erabiliko da.

Orotara 5 atal desberdin prestatu dira, irakasgaientzat proposatzen den egitarauen arabera. Bertan kurtsoan zehar funtsezkoak diren azalpen, definizio, adibide, irudikapen eta abar modu laburbildu eta zehatz baten aurkezten dira.

Liburu honetan hurrengo atalak agertzen dira:

• 1. Gaia: Erreaktoreen diseinurako oinarriak
• 2. Gaia: Erreaktore ez-jarraitua ekuazio zinetikoa lortzeko
• 3. Gaia: Erreaktore ez-jarraitu ideala
• 4. Gaia: Hodi-formako erreaktore jarraitua
• 5. Gaia: Nahaste perfektuzko erreaktore jarraitua