Koloreen kimika

Oskar González Mendia Zientzia eta Teknologia Fakultateko lan kontratudun bitarteko irakaslea da eta Miren Itxaso Maguregui Olabarria Arte Ederren Fakultateko irakasle titularra da.

Liburu honen helburua da pigmentuei buruzko ikuspegi orokorra eskaintzea, artearen historian izan duten garrantzia adieraztea, eta, batez ere, ikuspuntu kimiko batetik pigmentuen ezaugarriak erakustea. Horretarako, hamalau pigmentu aukeratu ditugu, historikoki esanguratsuak izan direlako, edota propietate kimiko bereziki interesgarriak dituztelako. Bide batez, liburu honek balio du zientziaren eta artearen artean dagoen lotura aldarrikatzeko.

Kultura Ondareen Kontserbazio eta Zaharberritzeari buruzko Graduan “Kontserbazioaren eta Zaharberritzearen Oinarri Zientifikoak” eta “Kultura Ondareen Azterketa Teknikoa eta Dokumentazioa. Ikerketa eta Metodo Zientifikoa” irakasgaia egiten duten ikasleentzat.

Kimikaren eta artearen arteko loturan interesa duen guztiontzat.

Hamalau pigmenturen deskribapena, kimikaren ikuspuntutik