Solido ezorganikoak: materia kristalinoa eta X izpien difrakzioa

Verónica Palomares Durán irakasle atxikia da, eta Amaia Iturrondobeitia Ellacuria ikertzailea Zientzia eta Teknologia Fakultatean.

Solido kristalinoen egituraren determinazioa kimikaren helburu nagusietariko bat da; izan ere, ezaguera hau ezinbestekoa da materialen propietate fisiko eta kimikoak aztertzeko orduan. Egitura kristalinoaren determinazioa molekula txikiak edo gatz sinpleak zein makromolekula biologiko handiak (adibidez, proteinak) aztertzeko erabiltzen da. Helburu hori lortzeko, X izpien difrakzioa da teknikarik erabiliena. Testu honetan teknika horren oinarriak azaldu nahi dira. Horrez gainera, kontzeptuak era errazago batean barneratzeko helburuarekin, adibide praktiko bat erabiliko da, zeinetan azalduko baita difraktograma batetik nola atera daitekeen egituraren informazioa.

Eskuliburu hau honako irakasgai hauetan izan daiteke erabilgarri: Kimika Ezorganikoa II, Materialen Zientzia  (Kimikako gradua), Materialen Ingeniaritza, (Ingeniaritza Kimiko gradua), Introducción a la Ciencia de Materiales (Master en Nuevos Materiales), Gradu Amaierako Lanean (Kimika Ezorganikoko arloan burutzen bada).

Eskuliburua bi ataletan banatuta dago:

Atal teorikoa

1. Sarrera
2. X izpien difrakzioa
2.1. Zertarako erabiltzen da X izpien difrakzioa?
2.2. X izpien difrakzioaren  oinarriak
2.2.1. X izpien jatorria
2.2.2. X izpien elkarrekintza materiarekin
2.2.3. X izpien difrakzioa monokristaletan, hauts polikristalinoetan eta materia amorfoan
2.2.4. Difraktometroa
2.2.5. Difraktograma eta bertatik lor daitekeen informazioa

Atal praktikoa

3.1. Patternmatchingaren oinarriak
3. 2. Pattermatchingaren lanketa
3.3. Pattermatching gauzatu ondoren sorturiko fitxategiak