Aldagai Bakarreko Estatistika Deskribatzailea eta Inferentziala Gizarte Zientzietan: Teoria eta Adibideak

Patxi Juaristi Larrinaga. Gizarte eta Komunikazio Zientzien Fakultateko irakaslea, Politika eta Administrazio Zientzia sailean. Helbide elektronikoa: patxi.juaristi@ehu.es

Patxi Juaristi Larrinaga

Liburu hau estatistikarako lehen sarrera da, eta aldagai bakarreko estatistikaren oinarriak aurkeztea du helburu nagusitzat. 2013a Estatistikaren Nazioarteko Urtea dela kontuan hartuz, eta urteetan bildutako ezagutzan, esperientzian eta apunteetan oinarrituz, ikasleentzat ulerterraza eta erabilgarria izango den eskuliburua egiten saiatu gara.

Liburu hau gizarte-ikerlari izango direnentzako da; zehazki, soziologogaientzako eta politologogaientzako

Lehenengo atalean, ikerketa-prozesua eta estatistika nola uztartzen diren agertzen dugu, estatistikak dituen bi adarrak aurkeztuz (estatistika deskriptiboa eta inferentziala), aldagai mota desberdinen berezitasunak azalduz, eta IBM SPSS programa informatikoari buruz hiruzpalau azalpen emanez.

Bigarrenean, aldagai bakarreko estatistika deskribatzailearen gorabeherak ageri dira. Hain zuzen ere, azaltzen dugu maiztasun-taulak, datu-diagramak eta neurri estatistikoak nola kalkulatzen, aurkezten eta kudeatzen diren. Bukaeran, banaketa normalaren berezitasunak ere aurkezten dira.

Hirugarren partean, laginaren eta populazioen arteko harremanak aztertzen dira.

Eranskinetan, banaketa normalaren azpiko azalera-taula eta landu ditugun formula guztien zerrenda aurkezten ditugu.