Matlab - Lehenengo urratsak

Florencio Garrido Uriarte, Matematika Aplikatua saileko irakaslea. florencio.garrido@ehu.es

Leyre Ormaetxea Butron, Matematika saileko irakaslea. leyre.ormaetxea@ehu.es

Egileon jarraibide nagusiak izan dira; batetik, bai kalkulu matematikoak gauzatzeko, bai grafikoak sortzeko, bai programa informatikoak egiteko, Matlab-ek duen ahalmen izugarria erakustea, eta bestetik, - programa ardatz hartuta-, gai matematikoak aztertzea eta eztabaidatzea.

Ikasmaterial hau ingeniaritzako ikasleei zein zientzietako ikasleei tamainan etor dakieke. Izan ere, gaur egun erreminta ahaltsu hau, Matlab, hainbat eta hainbat enpresatan inplementatuta dago. Beraz, bide batez, bi mandatu egiten dira: sofware honetan trebakuntza lortzea, biharamunari begira, eta, matematikari errepasoa ematea.

Testu hau fitxategi bakar bat da, eta, egituraren aldetik, zortzi kapitulutan antolatuta dago:

1. Sarrera.
2. Lehenengo urratsak.
3. Funtzioak eta komando-fitxategiak.
4. Eragileak eta fluxuaren kontrola.
5. Datuen maneiua.
6. Bi eta hiru dimentsioko grafikoak.
7. Polinomioak. Doikuntza eta interpolazioa.
8. Kalkulu sinbolikoa.

Materialaren edukia Matlab programa informatikoan datza. Tresna horri esker, matematika arloko zenbait jakintzagai deskribatu eta lantzen dira. Liburuan zehar, etengabe, kontzeptu teorikoak eta praktikoak uztartzen dira ideiak sinplifikatzearren.