Arreta, pertzepzioa eta motibazioa: lan-koadernoa

Lan-koaderno honen xede nagusia da ikasleei Arreta, Pertzepzioa eta Motibazioa irakasgaian lantzen diren eduki teorikoen inguruko jarduera multzo bat eskaintzea. Helburu espezifikoa da ikasleak lortu dezala irakasgaiko ezagutzak eguneroko egoera eta fenomenoei aplikatzea. Metodologia honen bidez, ahalbidea eskaintzen zaio ikasleari jasotako informazioaren inguruan hausnar egiteko, eta, gainera, teoria hutsa baino harago doan edozein egoera erreali aplika diezaioke bere ezagutza.

Lan-koaderno hau UPV/EHUko Psikologiako Graduko lehen mailako ikasleei zuzenduta dago, bereziki Arreta, Pertzepzioa eta Motibazioa irakasgaiko ikasleei.

Lan-koaderno honetan, ikasleari Arreta, Pertzepzioa eta Motibazioa irakasgaiko alderdi garrantzitsuenen inguruko zenbait arazo, esperimentu, fenomeno, egoera edo kasu azalduko dira. Ikasleei arazo bakoitzari buruzko galdera bat edo gehiago egingo zaizkie. Galdera horiek aztertuz, ikasleek arretaren, pertzepzioaren eta motibazioaren prozesu kognitiboak argiago ulertuko dituzte. Adibideak beren esperientzietatik hurbileko egoera praktikoetan oinarrituta egotea lagungarri gertatuko zaie prozesu horien funtzionamendua ulertzeko.