Atxikimendua ulertzen hezkuntzaren ikuspuntutik

Joana Jauregizar Albonigamayor, Psikologian doktorea eta EHUko Bilboko Irakasleen Unibertsitate Eskolan "Bilakaeraren eta Hezkuntzaren Psikologia" saileko irakasle agregatua da. joana.jauregizar@ehu.es / 946014594

Lan honen helburua atxikimenduaren teoria hezkuntza arlora hurbiltzea da, atxikimenduaren garapenak haurraren garapen integralean duen eragina azalduz eta gelan duen inplikazioei buruz hausnarketa sustatuz.

Lehen Hezkuntzako eta Haur Hezkuntzako irakaslearen ikasketak egiten ari diren ikasleei bereziki dago zuzenduta, baina baliagarria izan daiteke Garapenaren Psikologia ikasten ari diren beste ikasleentzat ere, hala nola, Psikologia, Psikopedagogia edo Gizarte Hezkuntzako ikasleentzat.

Material hau hiru ataletan dago antolatuta:

I. atala: Atxikimenduaren garapenaren faktoreak: atxikimendua hobeto ulertzeko honen definizioa, teoriak, osagaiak eta funtzioak azaltzen dira.

II. atala: Atxikimenduaren garapena eta atxikimendu moten eragina haurren garapenean: atxikimenduaren garapenean ematen diren faseak eta atxikimendu mota desberdinak azaltzen dira.

III. atala: Egokitze-epea atxikimenduaren teoria abiapuntutzat hartuz: atal honetan eskoletan egiten den egokitze-epeari buruzko hausnarketak planteatzen dira, eta honen garrantzia azaltzen da atxikimenduaren teoriaren ikuspuntutik.