Europar Batasuna. Europaren integrazio prozesuaren ikuspegi orokorra

Asier García Lupiola, irakasle agregatua. Ekonomia eta Enpresa Fakultatea - Elkano.

Testu honen helburua da Europaren integrazio-prozesuaren eta egungo Europar Batasunaren ikuspegi orokorra eskaintzea. Alde batetik, Europaren integrazio-prozesuaren bilakaera aztertzen da. Bestalde, Europar Batasuna bera aztertzen da: helburuak, antolaketa orokorra eta zuzenbidea; arlo ekonomikoa (merkatu batua, ekonomia eta diru-batasuna); eta europar herritartasuna.

Unibertsitate-gradu askotako irakasgaietan Europar Batasuna aztertzen da: sakonki Zuzenbidean; ikuspuntu ekonomiko batetik enpresa- eta ekonomia-arloko graduetan; ikuspegi orokorra lortu nahian gizarte-zientzietako beste zenbait gradutan. Lehenengo bi kasuetan ikasmaterial hau Europar Batasunera hurbiltzeko oinarrizko ikuspegia lortzeko tresna gisa erabil daiteke; eta aipatu diren azken graduetan gaiari buruzko ikasmaterial orokor gisa.

Landuko diren gai nagusiak ondorengoak dira:

• Europaren «batasun»aren ideia historian zehar
• Europaren integrazioa-prozesuaren bilakaera
• Europar Batasunaren helburuak, antolaketa eta zuzenbidea
• Barne-merkatua eta Ekonomia eta Diru Batasuna
• Europar herritartasuna
• Europar Batasunarekin lotutako erakundeak