Gogora ekartzeen analisirako programa multzoa EVOC2000

Juanjo Arrospide, Psikologian doktorea eta EHUko Psikologia Fakultateko Gizarte Psikologia eta Portaera Zientzien Metodologia saileko irakasle titularra.
juanjose.arrospide@ehu.es
943-015682

Maider Larrañaga, Psikologian lizentziatua eta EHUko Psikologia Fakultateko Gizarte Psikologia eta Portaera Zientzien Metodologia saileko bekaduna.
larranaga.ma@voila.fr
943-015227

1.EVOC2000 programa.

Erabiltzaileek EVOC2000 programa beren ordenagailuan instalatzeko aukera ematea.

2.Eskuliburua.

Lan honen helburua, galdera irekiak lantzea ahalbidetzen duen EVOC2000 programa multzoaren erabilera aurkeztea da. Eskuliburuan, programaren erabilera instrumentala azaltzeaz gain, irudikapen sozialen azterketaren ikuspegitik eta bereziki Nukleo Zentralaren Teoriatik egin daitezkeen datuen interpretazio ezberdinak eskaintzen dira.

Programa nahiz eskuliburua, gizarte zientzietako eta bereziki irudikapen sozialen ikerketetarako metodologia kuantitatibo-kualitatibo baten jabe egin nahi diren ikerlariei zuzenduta daude.

Eskuliburua, sarrera teorikoa eta bibliografia espezifikoa eskaintzeaz gain, lau ataletan banatuta dago. Lehenengo atalean, EVOC2000 programaren instalazioa nola burutu azaltzen da. Bigarrenen atalean, landu nahi diren datuen fitxategia prestatzeko irizpideak ematen dira. Hirugarren atalean, datuen analisian murgiltzen da, analisi lexikografikoan, analisi kategorialean eta gogora ekartzeen arteko konparazioan. Azkenik, laugarren atalean eranskin batzuk aurkezten dira, besteak beste, programa erabiltzeko gomendioak, eta hitzak eta sintagmak erabiltzeko irizpideak.