Matematika

Egileak

Maite Alvarado Herrn, Blanca Beitia Bengoa eta Marisol Pinedo Zuaza Gasteizko Industria eta Topografia Ingeniaritza TeknikokoUnibertsitate Eskolako Matematika Aplikatua Saileko irakasleak dira.

Helburuak

Material hau, Topografia Ingeniaritza Titulazioan enborrezkoa den Ingeniaritzaren Oinarri Matematikoak irakasgaian erabiltzen da. Lan honetan Trigonometria Esferikoan, Aljebra Linealean eta Kalkulu Infinitesimalean oinarrizkoak diren kontzeptuak aztertzen dira.

Norentzat

Testua, Topografia Titulazioko lehenengo ikasturteko ikasleentzat prestatu bada ere, lantzen diren kontzeptuak Matematikan oinarrizkoak direnez, baliagarriak izan daitezke Ingeniaritza Teknikoko lehenengo ikasturteko gainerako titulazio guztietan.

Edukia

Lan hau hiru ataletan bananduta dago: I Atala. Trigonometria Esferikoa, II Atala. Aljebra Lineala eta III Atala. Kalkulu Infinitesimala.

Lehenengo atala Topografiako ikasleentzat bereziki zuzenduta dago eta oinarrizkoa izango da Titulazioko zenbait irakasgaitan. Beste bi ataletan Aljebra Linealari eta Kalkulu Infinitesimalari dagozkien oinarrizko kontzeptu teorikoak lantzen dira.

Azkenik, aztertutako gaiei dagozkien ariketa batzuk proposatzen dira, ikasleek ikasitako kontzeptuak finkatzeko lagungarri izango zaien materiala eduki dezaten .